Tres Taklesas

Love hurts

2010-04-01T07:15:00.000-07:00

Nag-usap kami ng kaibigan ko kanina. Usapang pag-ibig.

Sabi niya, bakit daw ganun, palagi na lang daw siyang willing victim ng mga naging ka-relasyon niya.

In what way, tanong ko.

Na lagi daw siyang ginagamit, tapos pag nakuha na ang gusto e iiwan na daw siya.

Ung huling partner niya, may boyfriend pala na iba. Inaway-away siya ng "orig" partner. Hindi naman daw niya alam na pangalawa siya.

Pagkatapos makuha ni boy ang gusto niya sa friend ko (business deal daw), iniwan din siya at pinili si "orig" partner. One month daw siyang depressed dahil doon.

Malungkot nga ang sinapit niya.

Tinanong ko uli siya: wala ba siyang ginagawa para hindi na siya maging "willing victim" uli?

Wala na daw, tugon niya. Ganun daw yata hangga't nagmamahal ka, magiging willing victim ka palagi.

Na kinontra ko naman.

Sabi ko, nasa kanya naman iyan kung magiging willing victim siya uli. Kailangan na magaling siyang mangilatis ng tao. At ang lahat, may hangganan.

Sabi niya uli: katulad lang iyan ng pagmamahal mo sa sarili. Kung magmamahal ka ng iba, di ba hindi 100% mong ibibigay ang sarili mo? Magtitira ka sa sarili mo.

At ang sabi ko naman, mahirap na umibig kung lagi mong iisipin ung ganun.

Parang laging may hadlang, o may doubt.

Love your partner, love yourself more.

At kung hindi mag-work ang relasyon kasi me motibo ang partner mo na hindi mo gusto, hiwalayan mo.

Kung ganung klase siyang tao, he doesn't deserve you, ang lahat-lahat sa iyo.

Disclaimer: Feeling love guru lang ako sa friend ko, pero ako po ay 6 months nang sawi. Hay pag-ibig!

Tulay

2010-03-05T08:22:00.000-08:00

Kinakanta ko ngayon nang paulit-ulit ang London Bridge is falling down:

London Bridge is falling down,
Falling down, falling down.
London Bridge is falling down,
My fair lady.

Sa pang-XX na pagkakataon, kinuha na naman ako para maging tulay ng pagmamahal.

Kinuha akong maging tulay ni W.

Ayaw ko sana, pero hindi ako tumutol. Para saan pa't naging napakabait kong kaibigan sa kaniya?

Isa pa, paraan iyon para lalo ko siyang makilala. Isa sa perks ng pagiging isang tulay ay ang madalas na pakikipag-text sa tinutulungang kaibigan. Sa kaso ko, palagi kong nakakakuwentuhan si W.

Inamin ko sa kaniya na ideal guy naman siya. Na siguro, maraming girls ang kinikilig sa kaniya. Un nga lang, siya na yata ang hari ng katorpehan.

At sa mga kuwentuhan namin, mas lalo ko siyang nakikilala, at mas lalo kong umaasa na sana, sana, ako na lang ang ibigin niya. Hay, my bad, I know.

The spider being stucked in his own web. Ganito ang sitwasyon ko sa ngayon.

Yes, I'm sorting things out, at sana, sana, mas mapadali ang pag-burn ko ng bridge sa pagitan naming dalawa ni W. Isang tulay na ako lang naman ang nag-uugnay.

Ako lang naman ang nagpipilit mag-ugnay.

Oras (o pagkatapos manood ng Miss You Like Crazy nina John Lloyd at Bea)

2010-02-28T06:14:00.000-08:00

Sa mundong ito, ilan ba ang nakasandig sa oras o panahon?

Madalas, makikita mo siya sa jeep, o bus, o MRT, mga paraiso ng sansaglit. Isang tingin lang, baka mahuli mo na. Magkakahulihan kayo. Sa ilang tango o taas ng kilay o ismid, alam mo na.

Alam mo na.

Saan patutungo: sa 3 hours ba o 3 years. Malamang sa malamang, aasa tayo sa forever. Ganun naman sa kuwento di ba? Hindi ung forever ha, kundi ung umasa. At umasa pa.

Gaya ni Allan at Mia, na umasa na balang araw, magkakaroon ng katuparan ang mga inilahad nila sa bato:

Mahal kita.

Ikaw pa rin.

Limang taon: February 24, 2010. Tapos na ang araw na iyon, February 28 na, huling araw na ng buwan na ito. At heto ka, iniisip kung ano ang taya ng iyong paghihintay: matatagalan pa ba?

Maaari. Maaring hindi.

Samantala, maraming araw pa ng pag-aabang sa kundiman.

Tres Taklesas movie weekend

2010-02-25T09:10:00.001-08:00

W, ang pagtatapat

2010-02-24T01:32:00.000-08:00

Finally, nagtapat si W: "Wala ka bang nakikita...o nararamdaman man lang?"

Kinilig ako. Hindi matawaran ang kilig ko ng mga sandaling iyon.

Ang tugon ko: "Wala e. Dali, sabihin mo sa akin...ano ba ang dapat kong makita o maramdaman?"

Si W: "Talagang wala?"

Ako: "Wala. Sabihin mo na."

At hindi ko na napigil ang aking kilig. Napuno na ang salop ko ng kakiligan at nag-uumapaw na. Napapangiti na ako ng sobra.

W: "Ganito kasi... Gusto ko... Gusto ko si M."

Finally, nagtapat si W. At biglang naging napakalungkot ko.

Mistress

2010-02-16T06:32:00.000-08:00

Freedom comes when you learn to let go. Creation comes when you learn to say no… You are my lesson, I have to learn. I was your fortress, you have to burn. Pain is warning that something is wrong…

Madonna

Masaya ka. Malungkot ka. Alam mong may kulang sa buhay mo. Alam mo ring sapat kung ano man ang mayroon ka. Tanggap mo na rin sa sarili na wala naman talagang forever. Pero mayroong today.

Hindi mo naman inaasahan ang mangyayari. Nakita mo ang number niya sa likod ng upuan sa bus. 0919… Sexmate!

Inamin mo sa sarili mong nalibugan ka. Pero alam mo rin ang risk na pagkuha ng number na iyon at itext siya.

Maaaring tripper lang. Maaaring manloloko. Maaaring magnanakaw. Maaaring may sakit. Maaaring malibog lang talaga. Maaari din naming hindi siya ang nagsulat ng number niya sa bus. Maaari din naming matino…

08:00PM. Missed call. Sinagot niya. Binaba mo. Nagtext siya: Sino po sila? Sinubukan mong itanggi na sinadya mong magpa-ring. Pero umamin ka rin. Mukha naman kasing okey kausap.

08:30 PM: Age. Sex. Location? Name? 20something, Bi… Talaga saang bus? Hindi ako ang nagsulat nun. Baka may nagtrip lang sa akin…

09:15PM: May girlfriend ako.

12:00 Midnight. Nagkakabiruan na kayo. Nakakapalagayan na ng loob. Tumawag siya. Tumawag ka rin after na maputol ang tawag niya.

2:00AM… Gudnyt. It’s been wonderful knowing you. Add kita sa Friendster.

9:00AM: Thanks sa pag-add. Nakita ko na picture mo. Cute ka pala. Nahiya akong bigla. I think I like you. I think I like you too.

12:00 Noon: Nagluluto ako ng lunch namin. Mahilig akong magluto. Gusto mo minsan ipagluto kita…

5:00PM. 6:00PM. 7:00PM…11:00PM… Salamat sa tawag. Sure, sige bukas ng alas siyete pagkalabas ko sa office. Dinner, and then anywhere you want to go…

08:00AM: Gudam. I’m excited to see you. Tuloy tayo ha kahit malate ako ng kaunti.

12:00 Noon: Lunch na. Ilang oras na lang magkikita na tayo.

07:00PM: Narito na ako.

07:10PM: Hi. Hello. Finally…

09:00PM: Let’s keep this to ourselves ha. Baka kasi malaman ng GF ko mabuko pa ako. I like you…

01:00AM. O paano, sakay na ako. I had a wonderful time with you. (Stolen Kiss)

01:20AM: Ingat ka sa pag-uwi… Hon.

Marami pang text exchanges and calls. Marami pang pagkikitang sumunod. Movies, mall, three hours, overnight.

Marami pang palitan ng I love you’s, intimate at romantic moments.

Nararamdaman mong sincere at honest siya. Alam mo at napag-uusapan ninyo ang limitasyon ng bawat isa. Matino siyang kausap. Matalino. Ideal.

Willing ka. Willing siya.

May girlfriend siya. Boyfriend mo siya.

Hangang kailan.

07:00AM: Gudam Hon…

W, the conclusion.

2010-02-13T08:33:00.000-08:00

W is straight.

If in case he is gay, he's not just into you.

So happy Valentine's.

from Puerilities

2010-01-31T00:37:00.000-08:00

XVII ANONYMOUS

The love of women leaves me cold; desire
For men, though, scorches me with coals of fire.
As women are the weaker sex, my yen
Is stronger, warmer, more intense for men.

XXX ALCAEUS

Your legs, Nicander, are becoming hairy;
Take care this doesn't happen to your ass,
Or you will find your lovers getting very
Scarce. Irrevocably, your youth will pass.

CCXXV STRATO

At cock crow there is never any need
To do it doggy style or milk the bull,
Or to besprinkle with your liquid seed
Your Ganymede's pubescent patch of wool.

[translated from Greek by Daryl Hine]

Dear W,

2010-01-26T08:08:00.000-08:00

Hindi ko alam kung paano sasabihin sa iyo na nagugustuhan kita, na nahuhulog ang loob ko sa iyo. Ayan, kung mababasa mo itong entry na ito at matutukoy mong ikaw nga si W ay alam mo na ang nais kong sabihin.

At ano nga ba ang nagustuhan ko sa iyo?

Masaya kang kausap. Kapag kausap kita, akala ko tayong dalawa lang ang nasa lugar na iyon at wala ng iba pa. Naaalala mo ba ung minsang magsabay tayo pauwi sakay ng MRT? Parang walang anuman na nakatayo tayo sa nagsisiksikang mga tao pero tuloy pa rin tayo sa ating kuwentuhan, sa iyong mga balak, sa isang pamilyar na taong kilala pala natin pareho, si V. Muntik ka pa nga lumagpas sa istasyong iyong bababaan.

Hindi ko rin pansin ang oras pag magkausap na tayo, walang oras na lumilipas kapag magkausap tayo. Nalilimutan ko ang pagod ko, napapalitan ng tuwa ang nasa puso ko.

Maalaga ka, makarinyo ka. Hindi naman sa touchy at flirt na paraan. Naroon pa rin ang paggalang.

Gustong-gusto ko ang iyong pagngiti. Alam mo bang sa tuwing pinatutungkulan mo ako ng iyong mga ngiti ay natutunaw ang aking mga tuhod, nawawalan ako ng ulirat kung bakit, ano, paano, saan, kailan. Hindi napapawi sa aking isipan ang iyong ngiti.

Higit sa lahat, wag mo sanang masamain kung iniisip ko palagi ang kilikili mo. Ito kasi ang isa sa mga naka-a-attract sa akin na bahagi ng katawan ng isang lalaki, at para sa akin, ang macho ng dating ng iyong kilikili. Parang gusto kong sa tuwing magyayakap tayo (at kailan nga ba mangyayari ito?) ay ibabaon ko ang aking ilong sa kilikili mo. Sa ganito kasi, nakakaramdam ako ng seguridad. At gusto ko nang maramdaman sa iyo iyon.

Subalit, hindi ko pa rin alam kung paano sasabihin sa iyo na nagugustuhan kita, na nahuhulog ang loob ko sa iyo.

Paano nga ba aaminin sa isang straight na kaibigan ang lahat ng mga pag-aming inilahad ko dito?

A Ghost Story

2010-01-20T04:40:00.000-08:00

You and me could write a bad romance.

Lady Gaga

* * *

Ex mo siya.

Ang present niya ay ex mo rin.

Nagkakamabutihan ngayon, ang present niya

at ang close friend ninyong dalawa.

Cinema Central

2010-01-19T07:10:00.000-08:00

We are all in the gutter but some are looking at the stars.

Oscar Wilde

***

Sadyang ganun lamang talaga, at alam mong kailangan tanggapin. Nagkataong naroon ka. Nagkataong naroon din siya.

Ikaw: Nakararamdam na bahagyang kalungkutan, libog, at pinaghalong pag-aasam na baka sakaling doon matagpuan ang hinahanap: Sex at Love.

Alam mong walang katiyakan ngunit walang masama sa pagbabaka-sakali. Sigurado kang matatagpuan mo ang sex, pero ang love, hindi mo alam. Hindi ka umaasa. Umaasa ka. Hindi ka umaasa. Uumaasa ka.

Siya: Masama ang loob. Hindi iniintindi ng BF. Nagpapakafaithful. Naiinis dahil hindi siya binibigyan ng panahon ng minamahal niya. Nagmumukmok kaya nagpunta doong mag-isa. Magpapalipas ng oras. Magpapalipas ng sama ng loob. Kung abutin ng libog, baka sakaling makapagparaos. Umasa. Umaasa. Walang inaasahan.

May itsura siya. Atubili kang lumapit. Baka iturn down ka. Baka choosy. Baka naroon lang talaga para manuod. Mukhang suplado. Mukhang malungkot. Mukhang malibog. Lahat ng mukhang, maiisip mo.

Kayang itago ng dilim ang kahit ano. Sa panaka-nakang pagsilip ng liwanag ay sadyang iba’t-ibang mukhang ang maari mong makita. Alinman man doon ang makikita mo ang maari mong paniwalaan. Pero dahil nagbabakasali ka sa dalawang bagay, tumabi ka na rin.

Hindi naman siya kumibo. Hindi siya tumayo. Hindi siya natakot. Hindi siya umalis sa tabi mo. Sinubukan mong tingnan siya. Sinubukan ka niyang tingnan. Nagtama ang paningin ninyo. Nagkaramdaman. Sinubukan mong iunat ang kamay mo sa armrest ng upuan niya. Hindi niya inalis ang kamay. Dumaiti ang sa iyo. Hindi pa rin niya inalis. Siubukan mong haplusin ng daliri mo ang braso niya. Sinulyapan mo siya. Tumingin din sa iyo. Hinawakan mo ang kamay niya. Humawak siya pabalik. Holding hands.

“Nag-iisa ka,” tanong mo kahit obvious naman. “Oo,” sagot niya na kinukumpirma ang alam mo na. Tanong mo. Sagot niya. Sagot niya. Tanong mo. Marami pang tanong bago pa nagkalakas ng loob na alamin ang pangalang niya. Palaging first name. Alam mo na iyon. Madalas alyas. Pero maniniwala ka.

Dalawang oras lang ang palabas. Pero matagal. Parang forever. Madalas hindi na ninyo naiintindihan, dahil nag-uusap na kayo nang magkahawak kamay. Umaakbay siya. Umaakbay ka. Halos magyakap na kayo. Kung talagang suswertehin, maghahalikan pa. Pero hindi ninyo pag-uusapan ang kahit ano sa ginagawa ninyo habang magkatabi kayo. Dahil masarap ang pakiramdam. Dahil maipagkakamali mong love iyon. Tenderness. Intimacy. Lahat naman ay iyan ang hanap. Wala naman masama kung ibigay sa iyo ng isang stranger. Kahit nga maghipuan kayo wala nang aangal. Dahil bahagi iyon ng pagkilala ninyo sa isa’t isa, ng inaasam ninyo. Subalit walang hihigit pa sa mga panakaw pagyayakapan. Iyon lang sapat na. Nararamdaman mo siya, at nararamdaman mong nararamdaman ka rin niya. Hindi naman mahirap mangyari iyon dahil pareho kayo.

Sa muling pagbukas ng ilaw. Hihingin mo ang number niya. Ibibigay niya. Kukunin din niya ang sa iyo. Bago umuwi:

Ikaw: Just let me know you’re home safe
Siya: Sure.

Ikaw: Ingat ka.
Siya: Ingat ka rin.

Ikaw: Nice meeting you. Text, text. See you soon. (Sinadya mong hindi mga goodbye)

Ikaw: Bahay na ako, ikaw.
Ikaw: Bahay ka na ba. I had a great time. Ikaw?

Ikaw: Good morning. Kumusta ka na?

Ikaw: Good evening. Nagdinner ka na?

Siya: No response. No response. No response. No response.

Sadyang ganun lang talaga, at alam mong kailangan mong tanggapin. Nagkatong naroon ka. Nagkataon ding naroon siya.

Ikaw: Malungkot, masama ang loob, hindi binigyan ng panahon, nagmumukmok. Umasa.

Siya: Nakararamdam na bahagyang kalungkutan, libog, at pinaghalong pag-aasam na baka sakaling doon matagpuan ang hinahanap. Sex at Love.

Nagkatabi kayo. Dalawang oras na panunuod. Yakap. Halik. Hipo. Bandang huli palitan ng number.

Siya: Bahay na ako. Ikaw?

Siya: Good morning. Kumusta ka na?”

Siya: Good evening. Nagdinner ka na?

Ikaw: No response. No response. No response. No response.

"Bakla kasi..."

2010-01-04T06:31:00.000-08:00

Sinisikap kong palaging ipaalala sa sarili na may kahalagahan ang pagiging bakla ko. Na kaya nang nagkaroon ako ng kalayaang pumili ng sexual preference ko, ay dahil mayroon iyong magiging kahulugan at kabuluhan.

Pero pauli-tulit na binabanggit ng kapatid kong babae na sayang at nagkaroon siya ng kapatid na bakla. Wala raw siyang maasahan mula sa akin. Na wala akong silbi.

Marahil, tama ang kapatid ko. Hindi ako maasahan bilang lalaki sa bahay, na siyang mahalagang bagay para sa pamilyang Filipino: ang lalaki ang sandigan. Na ang pagkalalaki ng asawa, anak, o kapatid ay siyang balong pinagmumulan ng lakas ng buong pamilya.

Pero pinili kong maging bakla at para sa aking magulang at mga kapatid, nawalan ng kabuluhan ang pagiging lalaki ko. Nabakli ang isang sanga ng namumungang punongkahoy.

Hindi sila natuwa nang buong pagkalalaki kong pinanindigan ang aking pagkabakla. Hindi sila namangha sa gilas kong ipagtanggol ang sarili mula sa mapanghusgang balana.

Binalik ko ang tingin sa kanila at nakita ko ang kanilang pagkalugmok.

Talunan. Dahil sa pagkabakla ko.

Kaya hinihigitan ko ang aking sarili, ang sariling pagkalalaki ko. Pero gayunpaman, hindi ito sumasapat sa pamantayan ng aking pamilya. Naiiwang laging salat. Laging may kulang.

Buo sa aking loob na wala ang pagkukulang sa akin. Alam kong ginawa at ginagawa ko ang dapat asahan mula sa akin, ang lalaking anak, ang lalaking kapatid. Kaya sa tuwing sinasabihan ako ng mga kapatid ko, tumitimo sa isipan ko na wala sa akin ang diperensya, ang mga isip ninyo ang kumikitid, nagiging kanal na walang nakikitang pag-agos, anyong sadyang matagal na mananatili.

pusong mamon

2010-01-01T21:03:00.000-08:00

Posible bang mahalin ng isang straight ang isang may pusong babae?

Noong nag-aaral ako sa kolehiyo, nakilala ko si B, isang straight na kasama ko sa org. Pumupunta siya sa bahay namin linggu-linggo; tumatambay sa kuwarto ko. Pinupuntahan ko siya sa bahay nila (ipinakilala niya ako sa pamilya niya) at sabay kaming pumapasok sa eskuwela. Madalas dinadala pa niya ang mga gamit ko.

Hindi nagtagal, napansin na rin kami ng mga kasama. Naging masyado yata kaming showy. Kapag nagmemeriyenda kami sa lugawan malapit sa eskuwela, kinukuha pa niya ako ng inumin. Share kami halos sa lahat ng bagay. Hindi lang kuwarto ko ang napasok niya, kundi pati ang puso ko.

Dumating ang araw na may babaeng naka-close si B. Hanggang sa maging sila.

Dahil sa pangyayaring iyon, nagsimula na akong umiwas sa kanya. Nagpakalayu-layo ako. Nagpakatagu-tago. Pumasok ako sa madilim na kagubatan at niligaw siya sa mga pasikut-sikot doon.

Itinago ko nang mainam ang puso ko. Lumitaw din kasi noon ang ganoong palaisipan tulad ng pinagtatakhan ko ngayon. Saan patungo ang ganoong relasyon?

Hanggang sa dumating ang puntong nagtapat si B. Hindi sa akin kung hindi sa mga kasama namin sa org. Iniyakan niya ako sa harap nila.

Matapos ang walong taon, malaki na ang anak sa labas ni B at nakatakda na siyang magpakasal sa ibang babae. Tinanong ko siya. Sabi ko, kung sakaling nagtapat ako sa kanya noon at niligawan ko siya, sasagutin ba niya ako.

Sinagot niya ako ng Oo.

Regret, I have one

2009-12-30T18:16:00.000-08:00

Before 2010 begins, a gay man's confession: I regret giving my all to a guy I did not even know the name, 10 years ago.

Antes de 2010 comienza, una confesión de un hombre gay: Lamento el dar de mis todos a un individuo que incluso no sabía el nombre, hace diez años.

Avant 2010 commence, une confession d'un homosexuel : Je regrette de donner mes tous à un type que je n'ai pas même su le nom, il y a dix ans.

Something queer this way comes

2009-12-28T02:05:00.000-08:00

My own belief is that there is hardly anyone whose sexual life, if it were broadcast, would not fill the world at large with surprise and horror.

~W. Somerset Maugham